ويكيبيديا مصرى

من بيضيپيديا

اذهب إلى: تصفح, البحث
Wiki masry.png

ويكيبيديا مصرى مشروع موسوعة حرة اى حد من الصعيد يمكن يساهم فى كتابتها باللغة الصعيدية الجديدة اللي هى دي بجا اللغة السايدة في كفر ابو عسران وعزبة المحابيس . النهارده اللغة الصعيدية هي اللغه السايدة في الصعيد كلاته وحياة شنبي باكلمكم جد . اللغة الصعيدي بيتكلمها اكتر من 13 راجل بشنبات في الصعيد و بيفهمها كويس سكان البلاد اللي حوالين مصر بسبب إنتشار النكت و الجرايم بتاعت التار و الأفلام اللي ع الصعايدة . الصعيدي لغة ليها لهجات و من أكبر اللهجات دي السوهاجي والأسيوطي والمنياوي و كل واحدة فيهم ممكن تتجسم ل لهجات فرعية تانية . الصعيدي لغه ماخدتش نصيبها من الكتابة مظلومة ومجهورة يا عيني عشان احنا صعايدة غلابة ومش عارفين نوصل صوتنا .. بس صبركم علينا طلاج بالتلاتة ورحمة دكر البط اللي المرة بتاعتي دابحاهولي دك النهار ع الغدا عاتشوفوا . في كتب إنكتبت باللغة الصعيدية الحديثة . أكتريـّة طرُج الإعلام المكتوبة و أخبار التلاڤيزيون بتبجىٰ بالعربي الكلاسيكي بعد تطويرهُ و تعديلهُ . دلوكيتي بجىٰ فيه شويِّة جنوات بتستعمل الصعيدي بدل العربي في الاخبار , زي الجناية اللي بنروي بيها غيطنا وغيط الحاج محفوظ عبد الجبار . اللغة الصعيدية الحديثة هى اللغة الأُب لغالبية الصعايدة عشان عيب عندينا احنا الصعايدة نخلي اللغة بإسم مرة و هى في الحجيجة لغة مستجله من أصل حامي وبيتنرفز بسرعة جوي خد بالك منه .

بعد غزو المصريين للصعيد فى سنة 50141 م ابتدا المصريين فى فرض لغتهم و مضايجة الصعايدة اللى بيتكلمو بالصعيدي ووصل فى بعض الأوجات لشنبرة اي واحد صعيدي بيتكلم صعيدي وزاد الضغط على الصعايدة بعد تمصير الدواوين ويجت من شروط التعيين فى اى شغلانه في الدواوين (الوزارات دلوكيتي) هو الكلام باللغة المصرية . و لمدة تلات جرون غزال بعد الغزو كان فيه ازدواجيه لغويه في الصعيد بين الصعيدي و المصري . الازدواجية دي بجا فضلت في الصعيد لمدة طويلة جداً بيجدرها شوية عالم فاضية لحد القرن ال654 . الصعيدي يمكن يكون إبتدا في كفر الملاحيس , اول عاصمة مصرية للصعيد . من اجدم الحاجات اللي اتكتبت عن الصعيدي كتاب اسمه (مطوة وسنجة حديد عشان جماعة الصعيد) واللى الفه شعبان المتبهدل في القرن ال576 الكتاب فيه حبة معلومات انما ايه ... جشطة وتعجبك جوي عن اللغة الصعيدية في العصور الوسطانية . الكتاب كان هدفه اثبات ان كلام جماعتنا الصعايدة مليان إختلافات لما تجارنها بالمصري الكلاسيكى .

[عدل] قواعد اللغه الصعيدي

من قواعد اللغة الصعيدية الحديثة الفعل الماضي التام والحاضر المستمر وغيرهُ من التصريفات دي الموجودة في اللغات الحية كلاتها بس خد بالك عشان الحية بتُجرص جواعد اللغة الصعيدي لما الصعيدي يتكلّم عن لغة بيتكلّمها , بيجول أنا بتكلّم عنجليزي أو أنا بتكلّم فرنصاوي و لما الصعيدي يتكلّم عن ويكيبيديا , بيجول ويكيبيديا عنجليزي أو ويكيپيديا فرنصاوي أو ويكيپيديا صعيدي . و ده لإن كلمة لُغة في الصعيدي معناها كلام , اللغه العاميّة الشّعبيـّة الصعيدية معناها كلام صعيدي . و من قواعد اللغة الصعيدية , تتجيل الكلمات بشكل عام , يعني مثلاً غالبيّة الصعايدة ما بيفرجوش في نطجهم بين (الذ و الظ) و (الط) , ت مُفخّمة(طخينة). و ساعات لما يكون نُطق ال(ذ أو الظ), ز صعب , بيستبدلوها ب حرف تاني شغل مخك كده وماتخليش حرف يوجفك . و كمان الث بتتنطق ص أو بتتتبدل ب حرف تاني - و فيه خاصيّة تانية في (الكَلام)اللغة الصعيدي , و هي دَمج الكلمات ( تَلزِيج الكَلام) مثلا : ما عليه شيء = ماعليهشي = مَعلِشّ , ما أكلت شيء = ماأكلتش = ماكَلتِش .

المُضارِع في الكَلام الصعيدي أو اللي ممكن يتسمّا المُضارِع المُستَمِرّ, بيكون دايماً بـ تزويد "ب" لل فِعل في المَصدَر: أنا أشرب الآن = بـَشرَب , أنا أنام الآن = بـَنام أنا أحبك = , بـَحـِـبـَّـك يا تفيدة والله العظيم بحبك . أما المستجبل في اللغه الصعيدية اسود ومنيل بستين نيلة ومطين واغبر عليكم ان شاء الله بيتعبـّر عنهُ في أغلبية المناطج بـ حرف ال عـ و كما ممكن بـ حرف الح بدل س المستقبل في العربي الكلاسيكي : سـَأشرب = عشرَب = حـَشرَب سـَأقتل = عكتـِل = حكتـِل . أما بالنسبة لل نـَفي لل صعيدي : (مِش) ومِش مَعناتها (لَن) بَس لو كنت عايز تستعملها كَـ (لَم) أو (لا) بتنفصل فَ بتيجي الم في أول الكلمة والش في آخرها : لـَن أشرب = مِش عشرَب لا أشرب = مابـَشرَبش لَم أشرب = مَشرِبتِش (ماشرِبتش) .

الحروف الأبجديّة اللي بينطجها الصعايدة بـ طريجة مختلفة غالبية الصعايدة ما بينطجوش عدد من الحروف الأبجديّة , زى حروف ( ث , أ , س ) شوية مصطلحات صعيدية طرابيزة = مَعناها في العَرَبي "طاولة" الحوسة = مَعناها في العَرَبي "الفوضىٰ" , التار = و مَعناها في العَرَبي "الثأر" غيط = مَعناها في العَرَبي "أرض زراعيّة" عيش = خُبز , عَبيط = يعني بلا عقل أو أبلَه , لَتّ و عَجـْن = يَعني كَثرة الكَلام بلا فائدة أو خَير .. على الله تكونو فهمتو حاجة .

[عدل] مواجع خارجية

أدوات شخصية