FANDOM


Egyptian Employee

موظف مصري يبدأ اليوم كالعادة الساعة 7 ونص بالمشي لموقف الميكروباص ومافيش مانع في السكة تعدي عربية بتاع عيل من دور عيالك راجع من سهرة انس ويقوم مطرطش على هدومك ، وطبعا لا هو هيعتذر ولا انت هتتنفس احسن يقولك القول المأثور انت مش عارف انا ابن مين ، المهم هتمشي جنب الحيط عشان تلحق الشغل ، هتروح موقف الميكروباصات وتلحق مكان بس البيه السواق لازم يفطر ويشرب الشاي وحجرين المعسل تفاح ولو اتكلمت هيقولك القول المأثور اللى مستعجل ياخد تاكسي ، هتتضطر تسكت عشان تلحق الشغل وكمان لان الزحمة في الميكروباصات والاوتوبيسات أكبر دليل على تلاحم قوى الشعب العاملة ، المهم هتوصل الشغل متأخر خمس دقايق هتلاقى موظف مالوش لزمة كل وظيفته انه يمسك دفتر الحضور والانصراف يكلمك كلمتين مالهومش لزمة، هتسمعهم عشان اليوم مايضيعش .

بعد شوية هيجيلك المدير الحرامي يزعقلك ويتهمك بالتقصير والاهمال والجهل ، مع انه حاصل على الابتدائية وانت معاك بكالوريوس وكنت ناوي تحضر ماجستير لحد ما عرفت ان مرتبك هيزيد 7 جنيه بس ، ولان الأقدمية فى مصر اهم من الكفاءة فى جميع المصالح الحكومية من أول رئاسة الجمهورية لعمودية كفر البطيخ فانت مضطر تستحمل ، وخصوصا بعد ماعرفت انه بيشرب بانجو كل ليلة مع ابن خالة رئيس مجلس الادارة وممكن يبهدلك ، وطبعا هتعمل بالقول المأثور على قد فلوسهم ومش هتشتغل كويس زي كل الموظفين المصريين اللي بيشتغلوا 15 ساعة فى الاسبوع حسب الاحصائيات ، وهتقضى أغلب الوقت تتكلم مع أم وائل الموظفة اللى معاك فى مواضيع جنسية مثيرة للغثيان، لان انتو الاتنين ملحقتوش الجامعات المصرية في عزها، حيث أصبحت هناك ضرورة ملحة لوضع عناصر من مباحث الاداب فى المدرجات ووضع كاميرات مراقبة على دورات المياه وحيث يضطر الحرس فى كل جامعات مصر لابد أن يقوم بالتفتيش الدقيق للتأكد من انصراف الطلبة بعد انتهاء المحاضرات .

الساعة بقت 1 هتروح تصلى عشان تضيعلك ساعة الا ربع مع انك ممكن تستنى لحد وقت الانصراف وبعدين تصلى ، الساعة دلوقتى 2 الا ربع وبما ان موظف الحضور والانصراف مشي الساعة 11 عشان يقف فى السوبر ماركت اللى شغال فيه فانت كمان هتمشي ، وعشان احنا فى اغسطس والجو حار هتسيبك من حكاية التلاحم دي تلاحم قوى الشعب العاملة وهتستعوض ربنا وتاخد تاكسي ، وبما ان شكلك لا يوحي انك احد الاخوه السائحين الاجانب فسواقين التاكسى هيبصولك بقرف ومش هيقفو ، لحد ما واحد التاكسي بتاعه شكله غير صالح للاستخدام الآدمي هيشخط فيك ويقولك اركب ، ولما توصل وتقوله عايز كام هيقولك زي الشحاتين اللى تجيبه يا بيه .

هتوصل البيت تتغدى بس هتفتكر انك مركبتش الميكروباص وانت راجع فلازم تأيل مع المدام شوية وبعد 5 دقايق هتخرج وانت بتنفخ وبتدعي على الحكومة لانها استوردت مبيدات مسرطنه ، مش هتقدر تبص فى وش مراتك فهتفتح التلفزيون هتلاقى مجلس الشعب بيناقش اتفاقية للتبادل الثقافى مع منغوليا هيقف عضو بيفهم يقول ان الاتفاقية دي مالهاش اي عائد وهتكلف الدولة فلوس على اللجان والندوات والكلام الفاضي ده هتبص تلاقى واحد فاميلي سايز يقف ويقول اقترح قفل باب المناقشة والموافقة على الاتفاقية وبما ان 50% من اعضاء المجلس عمال وفلاحين مبيعرفوش يكتبوا اساميهم فهيرفعوا ايديهم، ولكن العضو اللبط هيقف ويطلب استجواب لان المجلس ماوافقش على اتفاقية الكويز حسب الدستور .

هيحتار رئيس المجلس لحد ما يلحقه العضو الموقر ويقول ان اتفاقية الكويز مش اتفاقية دى بروتوكول عشان كدة ماتعرضتش على المجلس ، هتضحك لان ممعكش فلوس تشتري دش فمافيش ادامك غير ابو ريادة التلفزيون المصري هتقلب القناه عشان تشوف مسلسل سخيف مالوش علاقة بالواقع المر ، هتستنى لحد الساعة 10 لحد مرات جارك ما تنام وتنزل عند جارك المرتشي اللى خد دش رشوة عشان تتفرج معاه على القمر الأوروبي عشان تنسى كل البلاوي اللى بتنزل على دماغك كل يوم من 24 سنة. والساعة 1 تروح تنام عشان لازم تصحى 7 ونص.

الوظيفة
السجن
  • لا تزيد مساحة المكتب علي 15 أمتار * 25 أمتار علي أقصي تقدير
  • حتي تستأثر بمكتب بمفردك تحتاج لمجهود جبار
  • الالتحاق بالوظيفة يحتاج إلي واسطة بالأساس
  • إذا كنت ملتزمًا تتم مكافأتك بالمزيد من العمل ، مما يعني المزيد من الوقت
  • تنفق ربع راتبك علي الأقل في الحصول علي وجبة منتصف اليوم
  • كبار الموظفين ضيوف رئيسيون في صفحات الكاريكاتير .
  • تقضي اليوم كله في الاستماع إلي الأوامر والتوجيهات.
  • تبدأ يومك برأس مُنكس في الأوراق أو شاشة الكمبيوتر ليبدأ مشوار تآكل فقرات الظهر والإصابة بـ الديسك.
  • مسموح لك بقراءة الصحف في الحمام فقط
  • هناك دورة مياه ملحقة بكل طابق
  • ممنوع استقبال مكالمات تليفونية شخصية
  • إذا وشيت بزميل لك تصبح رئيسًا لبقية زملائك
  • بعد أن تنهي الفترة المقررة، يقيم زملاؤك حفلا لاستقبال المدير الجديد
  • تقيم في زنزانة واسعة مساحتها 15 متراً * 25 متراً.
  • يمكنك أن تنقل نفسك إلي زنزانة فردية لا يزاحمك فيها أحد بمنتهي السهولة يكفيك أن تخرق القواعد داخل السجن
  • يمكنك الالتحاق بالسجن في أي وقت بإرادتك وبمجهودك الشخصي
  • إذا كنت ملتزماً تتم مكافأتك بتقليل المدة التي تقضيها.
  • تحصل علي ثلاث وجبات مجانية يومياً
  • كبار المساجين ضيوف رئيسيون في البرامج [[التليفزيون]ية الشهيرة مثل خلف الأسوار
  • تقضي اليوم كله في الاستماع إلي النكت والقصص والأشعار .
  • تبدأ يومك بطابور لممارسة الرياضة يقوي جسمك ويقوي فقرات وعضلات الظهر
  • هناك مكتبة مفتوحة طوال النهار مليئة بالكتب والصحف اليومية، تدفعك الإدارة يومياً لزيارتها
  • هناك دورة مياه ملحقة بكل زنزانة
  • مسموح بزيارات الأهل والأصدقاء
  • إذا وشيت بزميل لك تصبح منبوذًا من بقية زملائك
  • بعد أن تنهي الفترة المقررة يقيم لك زملاؤك وهم في منتهي السعادة حفلاً صادقاً لوداعك