محمد مهدي عاكف

من بيضيپيديا

اذهب إلى: تصفح, البحث
Betah akif

محمد مهدي عاكف صاحب نظرية الثلاث طزات , طز في مصر ، وأبو مصر ، واللي في مصر وصاحب نظرية ضرب المعارضين بالجزمة عند وصول الإخوان المش مصريين للسلطة. محمد مهدي عاكف شخص غريب وعجيب مليء بالمتناقضات والغرائب بس فيه حاجة واحدة ثابتة لا تتغير فيه أبداً وهي إن مصلحة الإخوان المش مصريين تأتي قبل أي حاجة حتى لو كانت مصلحة البلد نفسها. لنترك الإنتقادات التقليدية المملة الموجهة للإخوان المش مصريين والتي أكل عليها الدهر وشرب ولنتحدث عن موضوع الإضراب العام اللي تقرر يوم 6 إبريل 2008 واللي كان عبارة عن عصيان مدني ، اللي هو يعني حركة شلل تام للمصالح في البلد كلها , مفيش حد ينزل الشارع ، ولا يروح الشغل ، ولا مدرسة ، ولا جامعة ، ولا أي حاجة خالص ، حتى مافيش لا بيع ولا شراء في اليوم ده . من الآخر زي ما قلت شلل تام لمظاهر الحياة في البلد كنوع من أنواع الضغط على الحكومات لتغيير المظاهر السلبية والمساوئ الموجودة .

الفكرة بدأت في دماغ شباب وشابات زي وزيكم كده على الفيس بوك (FaceBook) قالوا ليه مش نعمل إضراب يكون سلمي ونحاول نأثر بيه على الحكومة وتبقى بطريقة متحضرة . الفكرة عجبت معظم قوى المعارضة وقرروا فعلاً الإشتراك فيها وكانت أبرز الحركات المشتركة هي حركة كفاية وأحزاب تانية كتير . كان هدف الكل هو مصلحة البلد قبل كل شئ إلا الإخوان المش مصريين قالوا في الأول حندرس الموضوع ونشوف وفي الآخر قالوا آسفين ياجماعة مش حنقدر نشترك ، والسبب قال إيه إن مافيش حد أخد رأينا في الموضوع ده ولا كنا نعرف من الأول . طب ناخدها واحدة واحدة علشان اللي مش متابع الأخبار.

3 أيام قبل موعد الإضراب نشرت موقع العربية دوت نت هذا الخبر [١] . لكن الجماعة قالت حندرس البتاع , ماشي ياجماعة يدرسوا براحتهم القرار معاهم حق أكيد لإن قرار زي ده محتاج دراسة وتمحيص وتدقيق وفاخر كمان . قبل الإضراب بيومين تقريباً صدر بيان من قيادة الإخوان بتوقيع مرشدهم العام صاحب التلات طزات محمد مهدي عاكف يعلن فيه عدم مشاركة جماعة الإخوان المش مصريين في الإضراب بحجة إيه بقى إن مفيش حد أخد رأيهم ولا إستشارتهم في الليلة دي كلها .

دلوقت حنشوف مع بعض تقرير قناة البي بي سي العرعرية BBC Arabic واللي إتكلموا فيه عن الإضراب ونشوف رأي واحد من فطاحلة جماعة الإخوان وتبريره العبيط لعدم الإشتراك في الإضراب ، وبعدها على طول حنشوف رد صحفي عليه وإنهم كان فاضل يبوسوا إيد الإخوان علشان يشتركوا معاهم ويخططوا مع بعض ، بس الإخوان رفضوا [٢] . الإخوان كانوا خايفين من موضوع إنتخابات المحليات وإن الحكومة حطاهم في دماغها والكلام ده . مش عاوز حد يقولي دول همهم الشعب ومصلحة مصر ، لأ دول همهم الأول والأخير مصلحتهم الخاصة والوصول لحكم مصر بشتى الطرق .الإخوان برروا عدم مشاركتهم بإن زي ما قلنا مافيش حد أخد رأيهم من البداية ولا رجع ليهم !! أظن إن الموضوع كله في مصلحة البلد ومش لأجل مصلحة شخصية ، يبقى ليه ترفضوا الإشتراك فيه ؟!! هل لإن مافيش حسنة حتطلعكم من وراه ؟!! ولا لإنكم خايفين الحكومة تقفش فيكم ؟!! ياريت المرة الجاية تقولوا أسباب مقنعة أكتر والكداب بيروح فين ؟!!

تبرير تاني خايب هو إن اللي دعى للإضراب ده شوية عيال مدونين  !! هم العيال دول مش مصريين ومنهم اللي بيخاف على مصر أكتر من أتخنها نفر فيكم ؟!! هم العيال دول مش اللي قدروا يوحدوا الشعب كله حول هدف واحد بفكرة بسيطة ؟!! هو لازم يعني الأفكار تطلع منكم إنتم أو من حزب معارض كبير (سناً وليس قيمة) ؟!! يبقى والله ليهم حق يقولوا إن مرشح رئاسة الجمهورية يبقى من حزب كبير وقديم له وزنه في البلد خخخخخخخ.

[عدل] أنظر أيضا

[عدل] مصدر

  • يوميات دكتور مخنوق , دكتور علام.

[عدل] لينكات

أدوات شخصية