كوسا

من بيضيپيديا

اذهب إلى: تصفح, البحث
Kosa

الكوسا أو الكوسة معروفة , فيه كوسة بالبشاميل وفيه كوسة بالصلصة فيه كوسة باللحمة المفرومة ، وكمان فيه كوسة بتتعمل محشي , الكوسة مهمة جدا للمصريين و يستخدمونها كمصطلح بمعنى الواسطة . الكوسة بقت في كل مكان , الكوسة في الشوارع و الحواري في الجوامع و الكنايس , أمن الدولة بقي بيصلي ساعات بالناس و شيخ الازهر بقي من شيوخ الشرطة . عاوز تجيب تقدير في الجامعة (كوسة) , لما تفكر تطلع رخصة قيادة هتلاقي في كل خطوة كوسة كل واحد بيعين أبنه بالكوسة وكل مسئول لازم يدوقنا طعم الكوسة . لو نيلك وبحرك يا مصر بقى صلصة مش هايكفى الكوسة اللى فيكى . تلت ارباع اخماس اللي معايا ف الشغل كوسه وكفتجيه كمان والكفته ليه افضليه عن الكوسه والقرع واجب برده حاجه تجيب تفائل بجد . يعنقد البعض ان سبب تسمية الواسطة بالكوسة تعود الى ان المصريون قديما كانو يستوردون بعض البضائع من الدول المجاورة وكان من ضمنها الكوسة ولطبيعتها التى لا تتحمل ان تترك كثيرا حتى لا تفسد فكان المسموح بدخوله فورا من الميناء وتفتح له الابواب والتساهيل هى الكوسة , فعندما يجد الناس الابواب فتحت فى غير مواعيدها مثلا فيسألون ماذا حدث ؟ يكون الرد : كوسة .

فى خلال الثلاثين عاما الماضية تعرضت مصر الى حملة منظمة لنشر ثقافة الكوسة التي أضيفت الى مشاكل الانفجار السكانى وإزاي إحنا بنتكاثر ولايوجد حل ومشكلة الدخل القومى وكيف يسرقونه ويدعون أن هناك عجزا ولاأمل من خروجنا من مشكلة الديون و مشكلة تعمير مصر والتى يعيش سكانها على 4% من مساحتها والعدالة الاجتماعية وأطفال الشوارع والذين يملكون كل شىء . كوسة مين يا راجل دي مصر المحروسة 100 100 لا واسطه ولا محسوبيه والحياه زبادي خلاط وكلو ماشي .أنا لو قعدت أعد الكوسة اللي بشوفها بتحصل في اليوم الواحد مش هاتخلص لدرجة إن ممكن ده يكون السبب في إن الكوسة رخيصة اليومين دول , بلدنا مليانا كوسة وبصراحة حاجة بقت زى الزفت . الكوسة بتبتدي من فرن العيش الواحد يبقي واقف في الطابور طلعان عينة وييجي واحد يكلم صاحب الفرن ويديلة . كل حته في البلد فيها طوابير وباين كده إنهم عايزيننا تبقي ركبنا حديد زي الأهلي بلظبط . فى جامعات مصر مش ملاحظين ان الاوائل دايما هو اولاد الدكاتره , ليه ؟؟؟ مش ملاحظين ان المعيدين هم اولاد الدكاتره , ليه ؟؟؟ .

من ناية أخرى في ليبيا الدولة الجارة لمصر عين البرلمان الليبي رئيس جهاز المخابرات الليبي موسى كوسة ، في منصب وزير الخارجية . وحل كوسة محل عبد الرحمن شلغم الذي اصبح سفير بلاده لدى الأمم المتحدة [١]. وعلى الصعيد العربي فأن اسرائيل فرضت على الزعماء العرب فرصة خيار الإستسلام او كوسة التفاوض .

[عدل] أنظر أيضا

[عدل] لينكات

أدوات شخصية
بلغات أخرى