فكرة موديل القرن 21

من بيضيپيديا

اذهب إلى: تصفح, البحث
Petra.jpg المقالة تحوي نكات قد لايفهمها غير الأردني لفهم النكات عليك ان تستأذن الملك عبدالله لكي لا يأمر الدبابات باجتياح اللاموسوعة كما حدث في معان
Elders.jpg

موديل القرن 21 طبعا انا اخوكم في الله , انسان عربي بسيط اعيش في وطن يقال انه عربي , ما علينا , او اقولكم علينا ونص , خلني اقولكم هالسولافة , شلة ختيارية في الواقع من الثوار القدامى ومن المحاربين السابقين , وفي الواقع اكثر كل واحد اصلو فلاح وعمرو اكثر من 65 سنة ومنهم المرحوم سيدي .... المهم , انا من النوع اللي عندي بلادة امام الاخبار وملل منها لانها كلها زي بعض والمسرحيات المكررة عادة بنزهق منها , كان سيدي وهالختيرية اللي هو بمثلهم "على الاقل بنظري" يظل على الطالع وعلى النازل ينعفنا حكي انا وخالي "مريحينن ضمائركم المعفنة و بلادتكم بانتقادات فارغة ايمتى بدكم تتحركو؟ كلي!! ثوروا على بيع أوطانكم و المتاجرة بمصيركم و استعبادكم ولكو الروح ما بتطلع الا مرة وحدة"!!طبعا كل زياراتي لعندو بنفس الموشح فصرت ادخل على البيت عندو واسلم وباسرع ما يمكن اطلع على الغرفة الثانية بقعد وبمدد وبتفرج على التلفزيون وبفتح فمي على الاخر اشي ما افهمه واشي كمان ما افهمه قلتلكم بليد قدام الاخبار!! , ودايما بحاول افهم الحكي بس ما في فايدة قناعاتي ما بتسمحلي افهم الصورة المنقولة او يمكن بلادتي وقفت حجر عثرة بس بتعرفو بحلف انو اللي همة بحكوه همة مو فاهمينو!! يعني سياسة تضليل بحتة بالله عليكم حد يقولي شو يعني "السلام قرار استراتيجي للعرب في ظل الاوضاع الراهنة"؟؟

طيب انا بسمعهم انهم عاملين اتفاقيات مع ولاد الكلب اليهود وبقولو ايقاف النار وهدن و من هالخراف الفاضي وبقولو في الاتفاقيات انو اللي بخالف شروط الاتفاقيات بكون عميل وجسوس وخاين وبين قوسين (ارهابي)!! طب مين ملاحظ انها اتفاقيات ملزمة لطرف واحد فإحنا مثل الخرفان على طول بنصدق وبنقعد بس همة كل يوم مش اقل من شهيدين الى ما يحددوا من ارقام بيسقطوا منا وعشرات ومئات بشردوهم بس على فكرة حلوة هاي العقود لانها لواحد موش لـ 2!! , وحكامنا يا غافل الك الله بدهم يمشو الحيط الحيط ويا رب السترة وبيداروا على حوائجهم بالكتمان لانو الكرباج اللي عند البعبع بلسع وساعتها اوطان راحت رح تنتسى واوطان شبه موجودة رح تباد بس يا خوفي تكون اوطانا مكمن الكرباج !! . وجعت راسكو ولسة ما قلتلكم الفكرة اللي خطرتلي كنت ماشي يوم الجمعة على ما اذكر وكنت مقهور للبطون الظاهرة والاعين المتربصة والبلاطين اللي ما الها داعي وملبوسة على الفاضي وفجأة لقيت بسطة وعليها كتب ولفت انتباهي كتاب اسمو اعظم الطلاسم السحرية والتخفي الميكانيكي للشياطين في لباس البشر واستحضار ملوك الجن وبالتالي اجالي الحل الوحيد والفريد لكل مشاكل الوطن العربي فالشعب العربي مش رح يتحرك و اعتراضنا مجرد كلام وشجب وتنديد وشغل عرط و إلا ليش فرعن الفراعين و وبين العملاء من جحورهم و سكنوا القصور و نزلوا في فنادق خمس نجوم ؟؟

[عدل] تطبيق الخطة

Cooking 1.jpg

طبعا اشتريت الكتاب وحصلت على دزينة كتب مجانية في كل المجالات ولاشهر العلماء من الرازي لابن قيم و ابن كثير وغيرهم وصرت اقرا في الكتاب جنب الدفاي كل يوم وكعوايدي في القراءة انام بعد اول صفحتين المهم كل ما اقرا بتطور الخطة اللي في بالي وبحس انو نصر الامة على ايدي بكيفهم ولا غصب عنهم وكل ما اقراه بشعر بالتخدير للي بقراه لانو ببنيلك وطنك كإنو جديد طخ بس براحه مفعول الكتاب مثل مفعول المخدرات اللي معيش اشتريها بس الكتاب عادي يكاد يكون ببلاش!!بس بحب اقولكم ابو السوس قرا الكتاب وجاي يخلصكم من عذابكم ورح ينتقل من حيز الاحلام لحيز التنفيذ . هيني نازل على العطار وراجع ورح تكون المواد معي طبعا رح امر على ابو السعيد عشان اداين منو متين ليرة مصاري للمواد , وولعت الدفاي اخ!! خلص الكاز!! مش مشكلة ولعنا الفحم و بلشنا حطينا الطنجرة وحطينا المي "انتي فريز تاعت السيارات" وشوية برادة ضمير قرد ني وغيرو وبراسي بتدور افكار وبقول للشعوب العربية "اصبرو شوي رح انقذكم الخلطة على النار!!" دقيقتين وبتبلش عملية لتحرير وبصراحة كنت ما بدي اكمل لانو الكل بستنجد وبقول "وامعتصماه" وانا مثل ما انتو عارفين اسمي سامر بس ما احنا عرب بدنا اللي كان موجود ييجي زيو تمام ولو بشبهو بالشكل مش غلط ودايما بنادو على المنابر اين انت يا عمر اين انت يا خالد ؟؟ انّا لنا بعمر جديد يفرق بين الحق و الياطل؟؟

المهم على العموم يا شعوب انا هيني خلصـــــتــــ .... احسااااااااااان !!! وك اطلع من هون ينعن ابو اللي نفظك وك يا حيوان دمرت الامة وك الخلطة ... وك لا .... هيك كبيتها ... وك شو اقول للامة ؟؟؟ الله ينتقم منك ضيعت مستقبل الامة!!! , اخواني الكرام سامحوني واعذروني وارجعوا للسكوت والصبر اللي انتو فيه وخليكو على التلفزيون ولما اجمع المصاري مرة ثانية رح استدعيلكم الجن و وجنودهم لتحريركم والى ذلك الحين ابقوا مكانك سر!!! , اخوكم في الله يحييكم ويبشركم فكرة موديل القرن 21!! ( فشلت ) طب شو ضل افكار ؟؟ , اقولكم وجعت راسكم خليكم قاعدين بلا تحرير بلا عوده ومال الوضع هسة مرفهين من كلو كل شي عنا مرفوع لفوق السمعة الاسعار لفوق والضريبة لفوق واعداد البشر لفوق والحرمية لفوق والشعب بقول كمان! بصراحه بتمنى ما اكون ثقلت عليكم او اني كنت ثقيل دم .

[عدل] مصدر

  • مواطن أردنيمجهول
أدوات شخصية