FANDOM


Attack هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة
Cell phone

التلفون الموبايل ويسمى ايضا الجوال او النقال , دخل العراق بعد حرب الخليج الثالثة وصار وسيلة للكشخة و بالعراق ماتلكه واحد داخل البيت يحجي بالموبايل لا يطلع برة البيت بالشارع حتى الناس تباوع عنده موبايل ويا عين اذا ابنية تمر من يمه يحير وين يخلي الموبايل حتى تشوفه ومرات يلزمه يحجي بيه وهو ماعنده رصيد ولا حتى سيم كارد , بس كلها بصفحة ومشكلة ابو محمد من اشتره موبايل ماعنده حظ ابدا وي الموبايل دائما يرن في اماكن محرجة فد يوم دخل ابو محمد الى احد المرافق الصحية المنتشره في بغداد وجميعها بالمناسبة مسدودة المجاري تحصينات امنية اخاف تجي سيارة مفخخة بالمجاري وتطلع على جلال الطالباني وهو كاعد يطرح بالمرافق الخطة الخمسية مال تشكيل الحكومة الوطنية مدري اللطمية. المهم دخل ابو محمد وكعد بالمرافق كلكم تعرفون الكعدة مال المرافق ماكو داعي اشرحها وجان يرن الموبايل رن ظرططط ظوططط لا العفو هاي الرنه مال غير شئ رن هيج الرنة مال اغنية نزلت للبحر تتشمس الحلوة الاغنية مال كاظم الساهر وجان يجاوب ابو محمد وهو في داخل المرافق الصحية وبحالة ضغط لإخراج الناتج الإجمالي المتراكم ;

  • الو منو
  • هلو ابو محمد اني ابو علي شلونك انت هسه وين ?
  • هله اني وين اني اني وين اني اني بال بالمنتزه ابو علي.
  • اها هنيالك عمي وشلونه الهوه بالمنتزه.
  • هوه يرد الروح مكانك خالي تعال واشتم انواع العطور مال الازهار.
  • عمي بالعافية اتونس ونزل مطاليب , جاي القهوة او اكولك نزل كيك ماطول منتزه وهوه حلو.
  • اي اي هسه الكيك ينزل او ادز عليه اي ادز.
  • ابو محمد مو تنسانه كيك وياك لاخوك ابو علي
  • صدك جذب والله كله الكيك الك وللبيت اجيبه تريد وياه بيبسي.
  • هههههه والله ابو محمد تخجلنه انت والله شريف انت وكريم حتى بالكيك كريم.

وفد يوم جانت ليلة خميس وابو محمد مزاجه كولش عالي وام محمد هماتين خو مزاجها واصل للسمه وجان الجهال ينامون كل واحد بغرفته وجان ابو محمد يبلع البراستول الازرق وره ساعه كال ام محمد اني نعست انروح انام وجان ام محمد تكوله خو اني كولش نعسانة ردت اكولك قبل ساعه بس ههههه استحيت جان ابو محمد يكولها لا على بختك من تستحين لعد جهالنه السته شلون اجو غير من انعس ونريد ههههه نام تمشي مستحية علينه هاي السوالف , وفاتوا الى غرفتهم وابو محمد نزع الخوف من صدره ههههههه مو نزع غير شئ المهم صار الهجوم والقصف وجان يدك الموبايل وهو خطيه بعده ماصارله ربع ساعه يحارب :

  • الو منو
  • هلو ابو محمد اني ابو علي شلونك انت والله جان عندي ارق كلت اخابرك اسولف وياك انت وين هسه ?
  • هله ابو علي اني وين اني اني اني جاي ادرس بالبيت.
  • اهااا والله الدراسة حلوه شنو جاي تدرس ابو محمد.
  • شنو ادرس جاي جاي ادرس عملية زراعة العمود .
  • واله خوش دراسة بس ياعمود هدا ?
  • اها العمود الفقري شبيك قابل عامود الكهرباء .
  • عاد صعبة هاي الدراسة لو سهلة ?
  • والله تعتمد على الطالب اذا زلمة خشنة من اول امتحان ينجح واذا مطفي يرسب من اول امتحان.
  • زين وانت شلونك ان شاء الله طالب مجد ?
  • هلو اني اخوك من ادرس ما اخلي اي مقرر يعتب عليه اخد الدراسة من فوك الى جوة خطوة خطوة
  • والله عفية عليك اني بالدراسة ماعندي حظ ارسب دائما.
  • لا صدك خطية استعمل المدرس الخصوصي الازرق يقويك على الدراسة
  • والله سويتلي واهس بالدراسة خلي ادرس وياك
  • شنو شنو اني ابو كرون لو شنو عمي روح ادرس بغير مكان ابو علي اريد اكمل العملي مالتي هسه.
  • اوكي ابو محمد موفق وان شاء الله شوكت تطلع النتائج
  • اها ان شاء الله وره تسع اشهر تجي الشهادة , وجان ابو محمد يشيل الموبايل ويركعه بالحايط ويخلص منه ضوجة .

مصدرEdit

كتابات حمودي العراقي , مواليد مستشفى العلوية للولادة